უკრაინული მედია ოდესის ოლქის ახალი გუბერნატორის მიხეილ სააკაშვილის პირველი პრესკონფერენციის დეტალებზე წერს.
ოდესის ახალი გუბერნატორი მიხეილ სააკაშვილი რეგიონის ხელმძვანელობის სრული შეცვლის პირობას დებს, ღია კონკურსით შერჩეული ახალგაზრდა კადრების ხარჯზე.
როგორც ,,ინტერფაქს-უკრაინა” იტყობინება, ამის შესახებ მან პრეს-კონფერენციაზე განაცხადა.
,,პირველი რასაც ოდესელები დაინახავენ, ეს იქნება ახალი ადამიანები ხელისუფლებაში, და ახალ ადამიანებს სამართლიანად შევარევთ. შევარჩევთ ადგილობრივ ადამიანებს. მეორე - ჩვენ ვიწყებთ ბიუჯეტის ხარჯვის მკაცრ კონტროლს. იქ ძალიან ბევრი ხვრელია, რომლებიც უნდა ამოივსოს” - აღნიშნა სააკაშვილმა და დასძინა, რომ ოდესის ოლქის მარალჩინოსნების უმრავლესობა გათავისუფლებული იქნება დაკავებული თანამდებობიდან.
სააკაშვილმა ასევე, კოუფციასთან ბრძოლის პირობა დადო, პირველ რიგში საბაჟოზე.
,,მე ამასთან დაკავშირებით პრეზიდენტის მანდატი მაქვს” - განაცხადა ოდესის ახალმა გუბერნატორმა.
ამას გარდა, სააკაშვილის ინფორმაციით, იგი გაეცნო ოლქის მდგომარეობას და თვლის, რომ რაიონები პირველ რიგში გზების რემონტს საჭიროებენ.
,,იქ საშინელი გზებია, მე ვიმგზავრე ამ გზებზე, ცუდი გზებია, იფრასტრუქტურა ცუდია. რა თქმა უნდა, ათწლეულების ნგრევის დაძლევა ერთ-ორ თვეში ვერ იქნება შესაძლებელი. მაგრამ, ვფიქრობ ადამიანები მალე იგრძნობენ განსხვავებას”, - განაცხადა სააკაშვილმა.
ოლქში სეპარატისტულ განწყობებზე საუბრისას, მან აღნიშნა, რომ პირველი რიგის ამოცანა ეს ადამიანების მიმართ ყურადღებაა.
,,როდესაც ადამიანები იგრძნობენ, რომ მათზე ხელისუფლება ზრუნავს, ეს განწყობები თავისთვად გაქრება” - აღნიშნავს გუბერნატორი.
