საქართველოს ექსპრეზიდენტის მიხეილ სააკაშვილის ოდესის გუბერნატორად დანიშვნას, დღეს უცხოური მედია ეხმაურება.
"მიხეილ სააკაშვილის ოდესის გუბერნატორად მოულოდნელმა დანიშვნამ პოლიტიკური მიმომხილველებიც გააოგნა,"- აცხადებს ბრიტანული ტელეკომპანია BBC და ამ გადაცემას ,,რუსთავი 2” მიმოიხილავს.
BBC-ის ჟურნალისტის დევიდ სტერნის აღნიშნავს, რომ უამრავი ადამიანი დღეს იბრძვის იმისთვის, რომ გაარკვიოს რა სტრატეგია უდევს საფუძვლად პეტრო პოროშენკოს ამ გადაწყვეტილებას.
BBC-ის ანალიტიკოსი მიხეილ სააკაშვილის ფიგურას ორი მიმართულებით განიხილავს და წერს, რომ ერთის მხრივ ის პოლიტიკური აუტსაიდერია საკამათო რეპუტაციით, მეორეს მხრივ კი აღნიშნავს, რომ ის გამორჩეული პროდასავლელი ლიდერი და რეფორმატორია, რომელიც პოროშენკოსადმი ლოალურობით გამოირჩევა და მას შეუძლია დაამარცხოს კორუფცია ოდესის რეგიონში.
BBC-ის ჟურნალისტი აღნიშნავს, რომ სააკაშვილის დანიშვნა შესაძლოა აღმოჩნდეს გენიალური ნაბიჯი პოროშენკოს მხრიდან, ან დიდი მასშტაბის უხეში შეცდომა.
