ერთიან ნაციონალურ მოძრაობაში მიიჩნევენ, რომ უკრაინაში მიხეილ სააკაშვილის გუბერნატორად დანიშვნა, საქართველოს ინტერესებს ემსახურება. საპარლამენტო უმცირესობის წევრმა გიორგი ვაშაძემ განაცხადა, რომ მთავრობის წევრების განცხადებები, ექსპრეზიდენტის მიერ, საქართველოს მოქალაქეობის დაკარგვასთან დაკავშირებით, ბოღმით არის გამოწვეული.
"უცნაურია მსგავსი შეფასებები. ეს კიდევ ერთხელ უჩვენებს, რომ ამ ადამიანებს დაბოღმილი მიდგომები აქვთ.. მიხეილ სააკაშვილის ეს განცხადება და ქმედება ემსახურება საქართველოს ინტერესებს. დღეს უკრაინის წარმატება ნიშნავს ჩვენ საერთო წარმატებას ტოტალიტარული რუსეთის წინაააღმდეგ გადადგმულ ნაბიჯებს. ყველანი უნდა ვამაყობდეთ, ეს ძალიან დიდი შანსი და პერსპექტივაა საქართველოსთვის და უკრაინისთვის,"- აცხადებს გიორგი ვაშაძე.
ექსპრეზიდენტის უკრაინაში გუბერნატორად დანიშვნა, მთავრობის წევრებმა ნეგატიურად შეაფასეს და მიხეილ სააკაშვილს მოღალატე უწოდეს.
