თავდაცვის მინისტრის თინათინ ხიდაშელის შეფასებით, საქართველოს ექსპრეზიდენტმა მიხეილ სააკაშვილმა უკრაინის მოქალაქეობის მიღებით, კიდევ ერთხელ გახადა ნათელი, როგორი ერთგულია იგი სამშობლოსი.
„საქართველოს ყოფილმა პრეზიდენტმა გუშინ კიდევ ერთი მორიგი მოღალატეობრივი აქტი ჩაიდინა. ყველაზე საუკეთესოდ მისი ერთგულება საკუთარი სამშობლოს მიმართ, მისი გუშინდელი ქმედებით გახდა ნათელი. თუკი ვინმეს რამეში, თეორიულად მაინც, ეჭვი ეპარებოდა, მგონი ყველამ ძალიან კარგად დაინახა, როგორი ერთგულია საკუთარი სამშობლოს მიმართ მისი ყოფილი პრეზიდენტი, რომელსაც არაფრად უღირს, ის რაც ყველაზე ძვირფასია თითოეული ჩვენთაგანისთვის - ჩვენი ქვეყნის მოქალაქეობა და ჩვენი ქვეყნის სამსახური“, - განაცხადა ხიდაშელმა თემის კომენტირებისას ჟურნალისტებთან.
მიხეილ სააკაშვილს უკრაინის მოქალაქეობა გუშინ მიენიჭა, რითაც საქართველოს კანონმდებლობით, მან ავტომატურად დაკარგა საქართველოს მოქალაქეობა.
