„ნაციონალური მოძრაობიდან“ წასული დეპუტატის პავლე კუბლაშვილის თქმით, ის თავის მოაზროვნეებთან ერთად არ შევა „ქართული ოცნების“ საპარლამენტო უმრავლესობაში. ამის შესახებ დეპუტატმა გადაცემა „რეაქციციის“ პირდაპირ ეთერში განაცხადა. ამასთანავე კუბლაშვილმა ახსნა პარტიიდან წამოსვლის მიზეზებიც.
„ჩვენგან არც ერთი არ შევა „ქართული ოცნების უმრავლესობაში, ჩვენ არ ვაპირებთ „ერთიანი ნაციონალური მოძრაობის“ წევრების მიმართ აგრესიის გამოხატვას და მესამე: არ ვაპირებთ იმ ღირებულებების შეცვლას, რაც გვაქვს. „ნაცმოძრაობის“ ღირებულებებს აქვს მხოლოდ ერთი გამოწვევა - განახლება“, - განაცხადა დეპუტატმა და დაამატა, რომ ამ ეტაპისთვის თავისი ყოფილი პარტია განახლებისთვის მზად არ აღმოჩნდა.
გარდა ამისა, პავლე კუბლაშვილმა აღნიშნა, რომ „ახალი პოლიტიკური ცენტრი არ იბრძოლებს საპარლამენტო მანდატებისთვის“. ამასთანავე "ნაციონალური მოძრაობის" ყოფილი წევრი განაცხადა, რომ არანაირი შეხება არ აქვს ჯოზეფ კეისთან.
"ჯოზეფ კეის საერთოდ არ ვიცნობ, რიგაში არა თუ ეხლა, საერთოდ არ ვარ ნამყოფი. ჩვენ გაერთიანებას ექნება ისეთი ფინანსები, რომელიც იქნება საჭირო თნამედროვე პოლიტიკური გაერთიანებისთვის. თითოეული დაფინანსების წყარო იქნება გამჭვირვალე", - დასძინა კუბლაშვილმა.
