პრეზიდენტი გიორგი მარგველაშვილი არ აპირებს რეზიდენციის შეცვლას. ამის შესახებ პრეზიდენტის მრჩეველმა კახა კოჟორიძემ ათონელის რეზიდენციასთან დაკავშირებით, დღეს მთავრობის სხდომაზე გამოთქმული მოსაზზრებების კომენტირებისას ჟურნალისტებს განუცხადა.
"პრეზიდენტის პოზიციაა, რომ ის არ აპირებს ავლაბრის რეზიდენციის დატოვებას. პრეზიდენტს თავის დროზე რომ გაეკეთებინა განცხადება, რომ მოვიფიქრებ და გადავწყვეტ, მაშინ ჩემთვის გასაგები იქნებოდა ამ თემის ხელახლა წამოწევა, მაგრამ პრეზიდენტმა ძალიან ნათლად თქვა თავისი პოზიცია, რომელიც არაერთხელ იქნა გამოთქმული. ჩვენ დამატებით კომენტირებას არ ვაპირებთ", - აღნიშნა კოჟორიძემ.
საქართველოს პრემიერ-მინისტრმა დღეს კიდევ ერთხელ გამოთქვა იმედი, რომ ათონელის რეზიდენციის გამოყენებასთან დაკავშირებით, პრეზიდენტი გიორგი მარგველაშვილი გონივრულ გადაწყვეტილებას მიიღებს.
