ენმ-ის ერთერთი ლიდერის ჩიორა თაქთაქიშვილის განცხადებით, პარტიიდან წასული ოთხეული ვერ ბედავს თქვას, რომ მიშა სააკაშვილსაც ემიჯნებიან, რადგან ამით ამომრჩვლების მხარდაჭერას დაკარგავენ.
თაქთაქიშვილი ყოფილ თანაპარტიელებს მოღალატეებად მოიხსენიებს და ზურაბ ჯაფარიძეს პარტიაში საკუთარ მოვალეობებს ახსენებს.
,,მარცხზე პასუხისმგებლობა იქნებ მის აღმასრულებელ მდივანს აეღო, თითქმის ერთი წელი ვერავითარი განახლების აჯენდა რომ ვერ შესთავაზა პარტიას და მის მხარდამჭერებს? თუ ქვეყნიდან განდევნილი მიხეილ სააკაშვილის პასუხისმგებლობის დაყენებას მოითხოვენ?! თუ თვლიან, რომ მიშაა დამნაშავე და პარტიას საყვედურობენ, მიშას რატომ არ გაემიჯნა, რატომ ვერ ბედავენ ამის თქმას? ეშინიათ, რომ ენმ-ს ამომრჩევლების მხარდაჭერას დაკარგავენ, არა? ჰოდა, ღალატით, სიმხდალითა და შიშითაა გაჟღენთილი 4-ეულის ეს უპასუხისმგებლო წამოწყება. და ამთავითვე მარცხისთვისაა ის განწირული”, - აცხადებს დეპუტატი.
შეგახსენებთ, ენმ-ის ყოფილმა აღმასრულებელმა მდივანმა ზურაბ ჯაფარიძემ განაცხადა, რომ ენმ-ს მარცხზე და მესამე შეცდომაზე პასუხისმგებლობა ვერ აიღო.
