პროკურატურის შესახებ კანონში შესატან ცვლილებებზე საპარლამენტო უმრავლესობაში აცხადებენ, რომ ეს არის დროული ინიციატივა, რადგანაც საჭირო იყო, რომ შესრულებულიყო წინასაარჩევნო დანაპირები.
პარლამენტის ფრაქცია ქართული ოცნება - რესპუბლიკელების წევრის ლევან ბერძენიშვილის განცხადებით, ეს ცვლილებები არის ერთ-ერთი იმ მოთხოვნათაგანი, რომელიც რესპუბლიკელებს ყოველთვის ჰქონდათ.
მისი განმარტებით, პროკურატურის ცვლილება, თვითმართველობაში ცვლილება, შინაგან საქმეთა სამინისტროში ცვლილება და რაც მთავარია სარჩევნო კოდექსში ცვლილები არის ის უზარმაზარი საქმეები, რომლის გაკეთება უნდა მოესწროს რაც შეიძლება სწრაფად.
„პროკურატურაში ცვლილებებმა აშკარად ძალიან დააგვიანა და მე მგონი მე რომ მაპატიმრებდნენ, ის პროკურორებიც კი მუშაობენ დღემდე. ვფიქრობ, რომ იქ სერიოზულად არის საჭირო რეფორმირება,“ - განაცხადა ლევან ბერძენიშვილმა.
