პარლამენტის თავმჯდომარემ დავით უსუფაშვილმა საქართველოს მოქალაქეებს დამოუკიდებლობის დღე მიულოცა.
მისი თქმით, 26 მაისი და თავისუფლება ეს არის წარმატებისა და კარგად ყოფნის საწინდარი.
„ყველას გილოცავთ. ამ დღეს, როგორც ყველა ადამიანი არის შემართული ენერგიით და იმედით სავსე და მინდა, რომ ყოველი დღე ასეთი იყოს“, - განაცხადა უსუფაშვილმა.
26 მაისს საქართველოს დამოუკიდებლობის დღე აღინიშნება, რომელთან დაკავშირებითაც, რუსთაველის გამზირსა და თავისუფლების მოედანზე საზეიმო ღონისძიებები მიმდინარეობს.
