ეროვნული მოძრაობის ლიდერის ნოდარ ნათაძის თქმით, საქართველოს ყველა ხელისუფლება, გარდა გამსახურდიასი, არის რუსული გუნდი, რომელიც საქართველოს დანგრევაზე მუშაობს. ამის შესახებ მან გადაცემა „იმედის კვირაში“ განაცხადა.
„თანმიმდევარი პატრიოტი, რომელსაც უნდა საქართველოს ფეხზე დადგომა, სძულს სამივე ხელისუფლებას. შევარდნაძე, სააკაშვილი და დღევანდელები არიან ერთი რუსული გუნდი, რომელიც მუშაობს საქართველოს გასანადგურებლად“, - განაცხადა ნათაძემ.
გარდა ამისა, ეროვნული მოძრაობის ლიდერმა წუხილი გამოთქვა, რომ მოქმედი ხელისუფლება არ გამოირჩევა მაღალი ინტელექტით.
„მე შემიძლია თამამად გითხრათ, რომ დღეს ქართულ პოლიტიკაში მთავრობის სახით, პარლამენტის სახით, მე ჭკვიან ადამიანს ვერ ვხედავ, კონდიციურ ადამიანს ვერ ვხედავ. წინა ხელისუფლება ხარისხობრივად უკეთესი იყო“, - აღნიშნა ნათაძემ.
