უვიზო მიმოსვლასთან დაკავშირებით ევროპულ საბჭოში წლის ბოლომდე იქნება ბოლო, მეოთხე მოხსენება, რომელზეც შესრულებული ვალდებულებებიდან გამომდინარე იქნება გადაწყვეტილება მიღებული საქართველოსთვის უვიზო მიმოსვლის მინიჭებაზე.
ამის შესახებ სახელმწიფო მინისტრმა ევროპულ და ევროატლანტიკურ სტრუქტურებში ინტეგრაციის საკითხებში დავით ბაქრაძემ ,,რუსთავი 2” - ის ეთერში განაცხადა და ამ გადაწყვეტილებას მნიშვნელოვანი უწოდა.
„საქართველო იმსახურებს და აუცილებლად ისარგებლებენ და მიიღებენ უვიზო მიმოსვლას ჩვენი მოქალაქეები, როდესაც შესრულდება აღებული ვალდებულებები, - ასეთი შინაარსის განცხადებები ისმოდა რიგის სამიტზე," - აცხადებს დავით ბაქრაძე.