ვიზალიბერალიზაციის პროცესში საშინაო დავალების შესრულებისათვის საქართველოს დარჩა მხოლოდ ტექნიკური ნაწილი და ყველა ვალდებულებები დეკემბრამდე შესრულდება. ამის შესახებ საპარლამენტო უმრავლესობის წევრმა ეკა ბესელიამ გადაცემა „20 30“-ში განაცხადა.
„რაც შეეხება საკანონმდებლო ვალდებულებებს, რომლებიც ჩვენ კიდევ გვაქვს შესასრულებელი [ევროკავშირთან უვიზო მიმოსვლის მისაღებად], მათ ჩვენ ძალიან სწრაფად შევასრულებთ. ვგეგმავთ, რომ ნოემბერში ეს მოხერხდეს“, - განაცხადა ბესელიამ და დაამატა:
„საქართველოს ხელისუფლებამ ძალიან წარმატებულად გაიარა ეს გზა. ამ მიღწევის მიღება 6 თვეში, რაც იგივე მოლდოვას – 3 წელი დასჭირდა, მე მგონი, ძალიან კარგი შედეგია“.
