მმართველ გუნდში იმედოვენებენ, რომ 2015 წლის ბოლოს საქართველო მიიღებს უვიზო რეჟიმს ევროპასთან. როგორც ჟურნალისტებთან ,,ქართული ოცნების” დეპუტატმა ანი მიროტაძემ რიგის სამიტის შეფასებისას აღნიშნა, საქართველო მზადყოფნას გამოთქვამს, ყველა დაწყებული რეფორმა ბოლომდე მიიყვანოს.
„საქართველო მზად არის, რომ ყველა დაწყებული რეფორმა მიიყვანოს ბოლომდე. ჩვენ ვიცოდით, რომ ადვილი არ იქნებოდა, მაგრამ ვფიქრობ, რომ ძალიან კარგი შეფასება მივიღეთ. მე მაქვს იმედი, რომ 15 დეკემბერს საქართველო მიიღებს კიდევ ერთ მისთვის დადებით გადაწყვეტილებას,“ - განაცხადა ანი მიროტაძემ.
შეგახსენებთ, უვიზო მიმოსვლის შესახებ გადაწყვეტილება, რიგის სამიტის გადაწვეტილების თანახმად, მას შემდეგ იქნება მიღებული, რაც ევროკომისია წლის ბოლომდე ვიზალიბერალიზაციის სამოქმედო გეგმის შესრულების შესახებ დასკვნას მოამზადებს. ევროსაბჭოს დასკვნის გამოქვეყნება 15 დეკემბერს იგეგმება.
