პრეზიდენტის ყოფილი მრჩეველი საგარეო ურთიერთობათა საკითხებში ვანო მაჭავარიანი რიგის სამიტის დეკლარაციას ადეკვატურად აფასებს და მიიჩნევს, რომ ვიზალიბერალიზაციასთან დაკავშირებით საქართველოში ჯერ კიდევ ბევრი სამუშაო. ამის შესახებ, მაჭავარიანმა ,,ჯი-ეიჩ-ენთან” საუბარში განაცხადა.
,,რეალურად, დოკუმენტი ასახავს ზუსტად იმას, რომ საქართველოს მთავრობამ 2015 წლის ბოლომდე უნდა მოახერხოს და დააკმაყოფილოს ყველა ის კრიტერიუმი, რომელიც წლის დასწყისში, ევროკავშირის მიერ გამოქვეყნეულ რეკომენადციებშია ასახული. ასევე, ძალიან მნიშვნელოვანია ამ თემას მთავრობა სერიოზულად მოეკიდოს და ყველა ის მოთხოვნებები, რომელიც არსებობს დააკმაყოფლოს, რათა 2015 წლის ბოლოს ევროკომისიამ საკმარისად მიიჩნიოს ის პროგრესი, რომელიც სავალდებულია ვიზალიბერალიზაციის მოთხოვნებიდან გამომდინარე”, _აცხადებს მაჭავარიანი.
კითხვაზე - ევროკავშირის მხრიდან მიზანიმართულად ხომ არ ხდება უვიზო რეჟიმის გაჭიანურება, თუ ამ ეტაპზე საქართველო უვიზო რეჟიმის მისაღებად მზად არაა, - მაჭავარიანი განმარტავს:
,,ჩვენ რეალურად ძალიან ბევრი სამუშო გვაქვს გასაწევი. ამაზე საუბრობენ პოლიტიკოსები, მათ შორის უმრავლესობიდან და ძალიან ცოტა დრო გავიდა საიმისოდ, რომ პრაქტიკაში მომხდარიყო იმპლემენტაცია იმ ვალდებულებების, რომელიც ქაღალდზე, თუ საკანონმდებლო დონეზე მიიღო ხელისუფლებამ. დაწესებული ექვსთვიანი ვადა, არის ტესტი იმისთვის, რომ გაირკვეს, ხელისუფლება რამდენად შეძლებს შეასრულოს, ყველა მოთხოვნა, კრიტერიუმი, რომელიც უნდა შეფასდეს ევროკომისიასა და ევროკავშირის წევრი სახელმწიფოების მხრიდან. დადებითად შეფასების შემდეგ კი, სამიტზე საქართველოს უნდა მიეცეს ვიზალიბერალიზიის შესახებ რეკომენადცია და დაიძრას ეს პროცესი”, _აცახდებს მაჭავარიანი ,,ჯი-ეიჩ-ენთან” საუბარში.