თბილისის საკრებულოს სხდომაზე მერის 5 ახალი მრჩევლის დანიშვნის საკითხი ჩავარდა. ქვორუმისთვის 26 დეპუტატის ხმა იყო საჭირო, თუმცა, საკითხს მხარი 22-მა დეპუტატმა დაუჭირა, ორმა თავი შეიკავა, 12 კი წინააღმდეგი იყო.
საკრებულოს ოპოზიციონერმა დეპუტატებმა "ნაციონალური მოძრაობიდან", ასევე, სხვა ოპოზიციონერმა დეპუტატებმა, მათ შორის "რესპუბლიკელმა" ხათუნა სამნიძემ, უარყოფითად შეაფასეს დავით ნარმანიას დღევანდელი განცხადება, რომ მერის გადასაწყვეტია, რამდენი მრჩეველი ეყოლება.
საკითხის განხილვა სხდომაზე კამათის ფონზე მიმდინარეობდა. საკითხი მერის წარმომადგენელმა საკრებულოში ავთო ხარატმა წარადგინა. ოპოზიციონერი დეპუტატები ხარატისგან ითხოვდნენ დაესაბუთებინა, რა მიმართულებისთვის და რატომ სჭირდებოდა მერს 5 ახალი მრჩეველი.
აღნიშნული საკითხი სხდომაზე ვერ გავიდა.
