საქართველოს პარლამენტის თავმჯდომარე დავით უსუფაშვილი რიგის სამიტის შეფასებისას აცხადებს, რომ მსგავსი ტიპის ღონისძიებებისგან საქართველო უნდა ეცადოს მაქსიმუმის მიღებას.
,,დღევანდელი მსოფლიო, ევროპა, დაკავებულია ბევრი მნიშვნელოვანი საკითხით. Aამიტომ, თუ გვინდა გავხდეთ ამ საერთაშორისო სისტემის ნაწილი, უნდა ჩავერთოთ ამ პროცესებში. ყოველი ასეთი ღონისძიებიდან იმის მაქსიმუმი უნდა მივიღოთ, რაც შესაძლებელია”, _განაცხადა უსუფაშვილა ესპანეთში ვიზიტისას.
შეგახსენებთ, რომ რიგის სამიტის დეკლარაციაში საქართველოსა და უკრაინისთვის ევროკავშირთან სავიზო რეჟიმის გაუქმების ზუსტი თარიღის შესახებ ჩანაწერი არ არის. თუმცა გადაწყვეტილება მას შემდეგ იქნება მიღებული, რაც ევროკომისია წლის ბოლომდე ვიზალიბერალიზაციის სამოქმედო გეგმის შესრულების შესახებ დასკვნას მოამზადებს.
