,,ნაციონალური მოძრაობის” წევრი ნუგზარ წიკლაური რიგის სამიტის დეკლარაციას ეხმიანება და იმ სამ მიზეზს ასახელებს, რის გამოც საქართველომ უვიზო მიმოსვლა ვერ მიიღო.
,,ეკონომიკური დაღმასვლა და ლარის დევალვაცია; კრიმინალის ზრდა და დანაშაულებრივი სამყაროს შეზრდა ხელისუფლებასთან; დემოკრატიული ღირებულებების უგულებელყოფა და ოპონენტების პოლიტიკური ნიშნით დევნა - ეს არის სამი უმთავრესი მიზეზი, რის გამოც საქართველოს ევროპული განვითარება შეფერხდა და ქვეყანამ ვერ მიაღწია ვიზალიბერალიზაციას. ცხადია, ამ ჩამონათვალს ერთვის ხელისუფლების ზოგადი უუნარობა, რაც მარტივი ტექნიკური ხასიათის ვალდებულებების ვერ შესრულებაში გამოიხატა. ამდენად, საქართველოს წარუმატებლობაში დამნაშავეა სწორედ ივანიშვილის მთავრობაა და არა მითიური "ობიექტური გარემოებები", რაც მიზეზად მოჰყავს ხელისუფლებას”, -წერს სოციალურ ქსელში წიკლაური.
შეგახსენებთ, რომ რიგის სამიტის დეკლარციის თანახმად, ევროკავშირი აღიარებს საქართველოს მიერ მიღწეულ პროგრესს, თუმცა ეს საკმარისი არაა უვიზო რეჟიმის მისაღწევად. დეკლარაციის თანახმად, საქართველოში უვიზო რეჟიმის ამოქმედება წლის ბოლოს ევროკომიის მიერ გამოქვეყნებულ დასკვნაზე იქნება დამოკიდებული.
