ლატვიის პრემიერმა ლაიმდოტა სტრაუიუმამ რიგის სამიტის დასრულების შემდეგ გამართულ პრესკონფერენციაზე სამიტზე მიღებულ დეკლარაციაზე ისაუბრა და აღნიშნა, რომ ის ხაზს უსვამ აღმოსავლეთ პარტნიორობის ყველა წევრი სახელმწიფოს ტერიტორიულ მთლიანობას, დამოუკიდებლობასა და სუვერენიტეტს.
,,რიგის სამიტის დეკლარაცია კიდევ ერთხელ ხაზს უსვამს ამ სტრატეგიულად მნიშვნელოვან გადაწყვტილებას. ვგულისხმობ, მჭიდრო თანამშრომლობას ევროკავშირსა და აღმოსავლეთ პარტნიორობის ქვეყნებს შორის და იმის საჭიროებას, რომ მიღწეული იქნეს დამატებით პროგრესი, გამყარდეს დამატებით ჩვენი ურთიერთობები და კავშირები. დეკლარაცია ხაზს უსვამ ევროკავშირის მხარდაჭერას ტერიტორიული მთლიანობის, დამოუკიდებლობის და აღმოსავლეთის პარტნიორობის ყველა ქვეყნის სუვერენიტეტს”, _განაცხადა ლატვიის პრემიერმა.
მისივე განცხადებით, საქართველო და უკრაინა ვიზალიბერალიზაციის საკითხთან დაკავშირებით მნიშვნელოვან ნაბიჯებს დგამენ, რასაც მოყვება უვიზო მიმოსვლა.
ლატვიის პრემიერის განცხადებით, რიგის სამიტი გახლავთ შესაძლებლობა გაუმჯობესდეს ევროკავშირის წევრი ქვეყნების ცხოვრების დონე.
,,სამიტი გახლავთ ახალი შესაძლებლობა ყველა ჩვენთაგანისთვის, რათა შევქმნათ პირობები ჩვენი მოსახლეობის ცხოვრების დონის ასამაღლებლად”, _განაცხადა ლაიმდოტა სტრაუიუმამ.
