იური ვაზაგაშვილის მკვლელობის საქმეზე წინასასამართლო სხდომა, რომელიც 28 მაისს იყო ჩანიშნული, გადაიდო. პროკურატურის ინფორმაციით, პროკურატურამ თხოვნით მიმართა სასამართლოს, რადგან საგამოძიებო მოქმედებები გრძელდება. გავრცელებული ინფორმაციით კი, პროკურატურა ვაზაგაშვილის მკვლელობაში ეჭვმიტანილ მეორე პირს საზღვარგარეთ ეძებს.
ეძებს.
იური ვაზაგაშვილი საკუთარი შვილის საფლავზე 20 იანვარს, აფეთქების შედეგადად გარდაიცვალა. საქმეზე ყოფილი პოლიციელი გია სოსანაშვილია დაკავებული.
გია სოსანაშვილს ბრალდება განსაკუთრებული სისასტიკით განზრახ მკვლელობისთვის მიმდინარე წლის 17 აპრილს დაუმძიმდა. ბრალდებულს თავდაპირველად, ბრალი განზრახ მკვლელობისთვის წარედგინა.
