საქართველოში ევროკავშირის ელჩის იანოშ ჰერმანის განცხადებით, საქართველო კარგად ასრულებს ვიზალიბერალიზაციის გეგმას, მაგრამ ამ საკითხის გადასჭრელად დრო სჭირდება ევროკავშირსაც. მისი თქმით, 28 წევრმა სახელმწიფომ უნდა დაარწმუნოს საკუთარი ხალხი ვიზალიბერალიზაციის შესახებ სხვა ქვეყნებთან.
"ნებისმიერი ახალი გადაწყვეტილებისათვის ევროკავშირს სჭირდება დრო. არსებობს ვიზის ლიბერალიზაციის გეგმა. 28 ქვეყნის ხელმძღვანელობამ უნდა ჰკითხოს თავის ხალხს ვიზის ლიბერალიზაციის შესახებ, უნდა დაარწმუნონ საკუთარი ხალხი ამაში, ამისთვის კი დროა საჭირო", - განაცხადა ელჩმა სასტუმრო "რედისონ ბლუ ივერიაში" აბრეშუმის გზის მე-10 საერთაშორისო კონფერენციის გახსნაზე.
შეგახსენებთ, რიგაში აღმოსავლეთ პარტნიორობის სამიტი მიმდინარეობს, სადაც უნდა გაირკვეს როდის შეძლებს საქართველო უვიზო მიმოსვლას ევროკავშირის ქვეყნებთან.