ეკონომიკის საკითხებში ექსპერტი რომან გოცირიძე მიიჩნევს, რომ ლარის გამყარება შესაძლოა ლარზე მოთხოვნის გაჩენით იყოს გამოწვეული. ჟურნალისტებტან საუბრისას ლარის გამყარება მან რამდენიმე სხვა ფაქტორსაც დაუკავშირა.
„ლარის გამყარება რამდენიმე ფაქტორზეა დამოკიდებულია, მათ შორის, ფუნდამენტურზეც. როგორიცაა იმპორტის შემცირება. იმპორტი შემცირდა იმის გამო, რომ მყიდველობითუნარიანობა დაკარგა, როგორც მოსახლეობამ, ისე იურიდიულმა პირებმა. გარდა ამისა, არის სეზონური ფაქტორი. მაგალითად, ტურიზმის გარკვეული ზრდა. ასევე, უნდა აღინიშნოს ისიც, რომ შემცირდა ვალუტის გადინება, ვინაიდან ეკონომიკური ვითარებიდან გამომდინარე, ნაკლებ გაზს და ნაკლებ ენერგიას ვყიდულობთ და ა.შ. ასე რომ, ამ ყველაფერმა გავლენა მოახდინა, თუმცა, შეიძლება არის რაღაც სიტუაციურიც და ლარზე, უბრალოდ, მოთხოვნა გაჩნდა“, -განაცხადა გოცირიძემ.
მისივე თქმით, ეროვნული ბანკის კრიტიკით, მთავრობა საკუთარ პასუხისმგებლობაზე თავის არიდებას ცდილობს.
შეგახსენებთ, დღეს ლარი მნიშვნელოვნად გამყარდა. ერთი დოლარის ოფიციალური ღირებულება 2. 25 ლარი გახდა.