შერიგებისა და სამოქალაქო თანასწორობის საკითხებში სახელმწიფო მინისტრის პაატა ზაქარეიშვილის განცხადებით, სააკაშვილის მიმართ საქართველოს ხელისუფლებას პრეტენზიები მუდმივად ექნება, თუმცა იგი სხვა ქვეყნებთან ურთიერთობებს ვერ გააფუჭებს.
,,ცალსახაა, რომ ჩვენ ყოფილი პრეზიდენტის მიმართ ყოველთვის გვექნება პრეტენზიები, მათ შორის ჩვენს მეგობარ ქვეყნებთანაც კი. სააკაშვილი ვერასდროს ვერ გააფუჭებს ურთიერთობებს საქართველოსა და სხვა ქვეყნებს შორის, მაგრამ ამ სხვა ქვეყნებმა უნდა იცოდნენ, რომ სააკაშვილი არასდროს არ გადავა მეორე პლანზე და ყოველთვის გვექნება ჩვენ პრეტენზიები, რომ ასე არის საკითხი, რომელიც აუცილებლად ჩრდილს მიაყენებს სხვა ქვეყნებთან ურთიერთობებს”, - განაცხადა მინისტრმა.
მთავარი პროკურორის მოადგილის გიორგი გოგაძის ინფორმაციით, პროკურატურა ამ დრომდე ელოდება ინტერპოლის პასუხს და მიხეილ სააკაშვილზე საერთაშორისო ძებნის დაწყებასტან დაკავშირებით. საქართველოს ექსპრეზიდენტი დღეს რიგაში ,,ევროპის სახალხო პარტიის” წარმომადგენლებს ხვდება.