„რესპუბლიკური პარტიის“ ერთ-ერთი წევრის ლევან ბერძენიშვილის განცხადებით, საქართველოში ცოტა დემოკრატიას უჭირდა წინა ხელისუფლების დროს, ახლა არც ლიბერალიზმს უჭირს და არც დემოკრატიას. როგორც მან „რესპუბლიკური პარტიის“ 37 წლის იუბილის აღსანიშნავად კონფერენციაზე - „ლიბერალური არჩევანი“ აღნიშნა კომუნიზმთან და ტოტალიტარიზმთან ბრძოლის ერთადერთი იდეოლოგია ლიბერალიზმია.
,,შეუძლებელია, რამე გადმოიღო და დაამკვიდრო, თუკი არ არის რაციონალური საფუძველი. საქართველო ლიბერალიზმის ქვეყანაა. ილია ჭავჭავაძე იყო მნიშვნელოვანი წინაპარი ამ იდეისა. ჩვენ რასაც ახლა ვაღწევთ, ვაღწევთ იმ ფონზე, რომ ლიბერალიზმისკენ მივისწრაფვით. საქართველოში ლიბერალიზმს აქვს საფუძველი. ცოტა დემოკრატიას უჭირდა წინა ხელისუფლების დროს, ახლა არც ლიბერალიზმს უჭირს, არც დემოკრატიას. ახლა სხვა გასაჭირები გვაქვს. ეს ბუნებრივია, მაგრამ უნდა ვიცოდეთ, რომ კომუნიზმთან და ტოტალიტარიზმთან ბრძოლის ერთადერთი იდეოლოგია არის ლიბერალიზმი. სხვა ამას ვერ ამარცხებს,“ - განაცხადა ლევან ბერძენიშვილმა.
კონფერენციის შემდეგ, „რესპუბლიკური პარტია“ 37 წლის აღსანიშნავ საიუბილეო მიღებას უმასპინძლებს.
