საქართველოს პრემიერ-მინისტრი ირაკლი ღარიბაშვილი, რიგაში სამუშაო ვიზიტის ფარგლებში, დღეს, იტალიელ კოლეგა მატეო რენცისთან პირველ შეხვედრას გამართავს.
მხარეები საქართველო-იტალიის პოლიტიკური და სავაჭრო-ეკონომიკური ურთიერთობების გაღრმავებაზე, იტალიაში საქართველოს პრემიერ-მინისტრის ოფიციალურ ვიზიტსა და ევროკავშირთან ურთიერთობაზე ისაუბრებენ.
შეხვედრა რიგაში, „აღმოსავლეთ პარტნიორობის“ სამიტის ფარგლებში გაიმართება, რომელზეც საქართველოს სამთავრობო დელეგაციას პრემიერ-მინისტრი ხელმძღვანელობს.
დელეგაციის შემადგენლობაში არიან სახელმწიფო მინისტრი ევროპულ და ევროატლანტიკურ სტრუქტურებში ინტეგრაციის საკითხებში დავით ბაქრაძე და საგარეო საქმეთა მინისტრი თამარ ბერუჩაშვილი.
