სამეზობლო პოლიტიკისა და გაფართოებაზე მოლაპარაკებების საკითხებში კომისარი იოჰანეს ჰანი მიიჩნევს, რომ საქართველომ რამდენიმე გამოკვეთილი პირობა უნდა შეასრულოს, რათა ვიზალიბერალიზაციის საბოლოო ანგარიშის შეფასება პოზიტიური იყოს.
"პარტნიორობა არ არის გზა მხოლოდ ერთი მიმართულებით. არსებობს რამდენიმე გამოკვეთილი პირობა, რომელიც უნდა შესრულდეს საქართველოსა და უკრაინის მიერ იმისთვის, რომ საბოლოო ანგარიშის შეფასება პოზიტიური იყოს ვიზების ლიბერალიზაციასთან დაკავშირებით. ეს განხორციელებადია წლის ბოლოსთვის, მაგრამ საჭიროა დისკუსია და საბჭოს გადაწყვეტილება. იგივე შეიძლება ითქვას ევროპულ მისწრაფებებთან მიმართებაშიც. ჩვენ ახლა ყურადღება უნდა გავამახვილოთ შემდგომ ნაბიჯებზე. ეს ნაბიჯი უკვე ხელმოწერილი ასოცირების შესახებ შეთანხმების განხორციელებაა. ეს არის ევროპასთან დაახლოების პროცესი, ამის შემდეგ უკვე განვიხილავთ შემდგომ ნაბიჯებს", - განაცხადა იოჰანეს ჰანმა რიგაში გამართულ პრესკონფერენციაზე.
