,,ნაციონალური მოძრაობის” წევრის დავით დარჩიაშვილის შეფასებით, თუკი საქართველო რიგის სამიტზე უვიზო რეჟიმს ვერ მიიღებს, ამაზე პასუხისმგებლობას ხელისუფლება ვერ მოიხსნის.
,,აბსოლუტურად რეალისტური იყო ის გეგმა, რომელიც წლების განმავლობაში სრულდებოდა სავიზო რეჟიმთან დაკავშირებით, რომ 2015 წლისთვის გაჟღერებულიყო ევროკავშირის სახელით - საქართველო მიიღებს უვიზო რეჟიმს. როგორც ჩანს, ეს არ ხორციელდება. საბოლოო ტექსტი ჯერ არ არის ცნობილი, ამას ხვალ, ზეგ გავიგებთ. მაგრამ თვითონ ხელისუფლების წარმომადგენლების რეაქციებიდან ასე ჩანს და თუ ეს ასეა, რა თქმა უნდა, პასუხისმგებლობას პირველ რიგში ხელისუფლება ვერ მოიხსნის”,- განაცხადა დარჩიაშვილმა.
რიგის სამიტი 21-22 მაისს იმართება. ქართულ დელეგაციას პრემიერ-მინისტრი ირაკლი ღარიბაშვილი ხელმძღვანელობს.