საქართველოს პრემიერ-მინისტრის სპეციალური წარმომადგენლი რუსეთთან ურთიერთობის საკითხებში ზურაბ აბაშიძე რუსეთის საგარეო უწყების ხელმძღვანელის მოადგილის გრიგოლი კარასინის ახალ თანამდებობაზე დანიშვნის მიუხედავად კარასინი-აბაშიძის ფორმატის გადახედვის აუცილებლობას ვერ ხედავს.
,,პრეზიდენტის დავალებით იგი წარადგენს შესაბამის დოკუმენტებს სახელმწიფო სათათბიროში სარატიფიკაციოდ, ასე იყო გასულ წელსაც, როდესაც მოხდა მოსკოვსა და სოხუმს შორის ე.წ. ხელშეკრულების რატიფიცირება, ეს არის აბსოლუტურად არალეგიტიმური, უკანონო დოკუმენტები.ჩვენ პრაღაში რუსეთთან არანაირ მოლაპარაკებებს არ ვაწარმოებთ, ეს არ არის ოფიციალური კონსულტაციები, დღემდე ვაწარმოებთ არაფორმალურ დიალოგს, ყოველგვარი ვალდებულებების გარეშე, დასავლელი პარტნიორების აზრია, რჩევაა, რომ ეს არაფორმალური დიალოგი გავაგრძელოთ," - განაცხადა ზურაბ აბაშიძემ.
გრიგოლი კარასინი რუსთსა და ე.წ. სამხრეთ ოსეთს შორის გასაფორმებელ ,,მოკავშირეობისა და ინტეგრაციის ხელშეკრულების” რატიფიკაციის პროცესში რუსეთის პრეზიდენტის წარმომადგენლად დაინიშნა.
