ევროკავშირის საბჭოს პრეზიდენტის დონალდ ტუსკის განცხადებით, შესაძლებელია, 2016 წელს ქართველებმა და უკრაინელებმა ევროკავშირში უვიზოდ იმოგზაურონ, მაგრამ ეს არ არის ოფიციალური დაპირება. ამის შესახებ, ტუსკმა ,,რადიო თავისუფალი ევროპა/რადიო თავისუფლების“ კორესპონდენტის შეკითხვის - „იმოგზაურებენ, თუ არა ქართველები და უკრაინელები ევროკავშირში უვიზოდ 2016 წელს ? საპასუხოდ განაცხადა.
„ყველაფერი დამოკიდებულია მათ მცდელობასა და მონდომებაზე. რა თქმა უნდა, ეს შესაძლებელია, მაგრამ ეს არ არის ოფიციალური დაპირება. ვართ პროცესის შუაში. პროგრესი საქართველოსა და უკრაინაში ნამდვილად დამაიმედებელია. დღეს შემიძლია იმის თქმა, რომ დარწმუნებული ვარ მომავალი შეფასება, სავარაუდოდ, ნოემბერში გვექნება და თუკი პროგრესი ისეთივე დამაიმედებელი იქნება, როგორიც დღეს არის, ვფიქრობ 2016 წელს ეს სავსებით შესაძლებელია“_აცხადებს ტუსკი.
რიგის სამიტი 21-22 მაისს გაიმართება.
