საქართველოს საგარეო საქმეთა მინისტრი თამარ ბერუჩაშვილი ბერლინში იმყოფება, სადაც მონაწილეობას იღებს 2015 წელს ევროკავშირის საბჭოში ლატვიის თავმჯდომარეობისადმი მიძღვნილ ღონისძიებებში.
ლატვიის საგარეო საქმეთა მინისტრის, ედგარს რინკევიჩსის ინიციატივით, 2015 წლის 19 მაისს გაიმართა არაფორმალური სამმხრივი შეხვედრა გერმანიის საგარეო საქმეთა მინისტრის ფრანკ-ვალტერ შტაინმაიერის, საქართველოს საგარეო საქმეთა მინისტრის თამარ ბერუჩაშვილისა და ლატვიის საგარეო საქმეთა მინისტრის ედგარს რინკევიჩსის შორის.
შეხვედრის დასრულების შემდეგ მინისტრებმა მონაწილეობა მიიღეს ცნობილი ლატვიელი კომპოზიტორის არტურს მასკატსის ნაწარმოების „ვალენტინას“ პრემიერაში, რომელიც ბერლინის ოპერაში გაიმართა და ევროკავშირში ლატვიის თავმჯდომარეობას მიეძღვნა.
20 მაისს საგარეო საქმეთა მინისტრი თამარ ბერუჩაშვილი ლატვიის საგარეო საქმეთა მინისტრ ედგარს რინკევიჩსთან ერთად, მონაწილეობს გერმანიის მარშალის ფონდის მიერ ორგანიზებულ შეხვედრაში გერმანიის პოლიტიკური, ეკონომიკური და სამეცნიერო წრეების წარმომადგენლებთან რიგაში დაგეგმილი "აღმოსავლეთ პარტნიორობის " სამიტთან დაკავშირებით.
