საქართველოს საგარეო საქმეთა მინისტრი თამარ ბერუჩაშვილი, ჟურნალისტებთან, რიგის "აღმოსავლეთ პარტნიორობის" სამიტზე საქართველოს მოლოდინებსა და მიზნებზე საუბრობს და აცხადებს, რომ მნიშვნელოვანია ევროკავშირის წევრმა ქვეყნებმა, პარტნიორ ქვეყნებთან ერთად, გამოიჩინონ საკმარისი პოლიტიკური ნება, ზოგიერთმა გამბედაობაც.
,,მნიშვნელოვანია, რომ ევროკავშირის წევრმა ქვეყნებმა, პარტნიორ ქვეყნებთან ერთად, რომლებიც ერთად უნდა შეთანხმდეს ერთიან მიდგომაზე სამიტის დეკლარაციის ტექსტთან დაკავშირებით, ამ ქვეყნებმა გამოიჩინონ საკმარისი პოლიტიკური ნება, ზოგიერთმა გამბედაობაც კი, და მკაფიოდ დაადასტურონ იმ პრინციპების, ნორმებისა და მიდგომის ერთგულება, რამაც უნდა განსაზღვროს „აღმოსავლეთ პარტნიორობის“, როგორც სრულფასოვანი პოლიტიკის, წარმატებული სვლა“, - განაცხადა საქართველოს საგარეო საქმეთა მინისტრმა. მისივე განცხადებით, რიგის სამიტის დეკლარაცია მომზადების ბოლო ეტაპზეა.
,,ძალიან მნიშვნელოვან ფინალურ ეტაპზე რიგის სამიტის დეკლარაციის მომზადებასთან დაკავშირებით. Mმიმდინარეობს სერიოზული დებატები, რომელიც ბოლო დღემდე გაგრძელდება. სიგნალები პოზიტიურია, რადგან ის დაპირება, რომ საქართველოს მიერ განხორციელებული პროგრესი, რეფორმები ყველა მიმართულებით და ჩვენი განსაკუთრებული ინტერესის საგანი - ვიზალიბერალიზაციის საკითხი, სრულფასოვნად იყოს ასახული და ამასთან ერთად, იყოს მკაფიოდ ჩამოყალიბებული პერსპექტივა”, _აცხადებს ბერუჩაშვილმა.
რიგის სამიტი 21-22 მაისს გაიმართება.
