წვევამდელთა ფიცის დადების ცერემონიას, რომელიც 26 მაისს 1 საათზე გაიმართება, საქართველოს პრეზიდენტი ჩაიბარებს. გიორგი მარგველაშვილი ასევე, მონაწილეობას მიიღებს რუსთაველის გამზირზე გამართულ სახალხო ღონისძიებებშიც.
პრეზიდენტის ადმინისტრაციის უფროსის დავით პატარაიას თქმით, გიორგი მარგველაშვილი დღის მეორე ნახევარში გაემგზავრება ქუთაისში და იქ სამხედროებთან ერთად აღნიშნავს საქართველოს დამოუკიდებლობის დღეს.
რაც შეეხება რუსთაველის გამზირს, აქ გამოიფინება „დელტას“ ტიპის სამხედრო ტექნიკა. იქნება შვეულმფრენების გადაფრენაც.
საკოორდინაციო შემოფრენას, ხვალ 1 საათიდან 3 საათამდე „იროკეზის“ ტიპის შვეულმფრენი და „L39“ ტიპის თვითმფრინავები განახორციელებენ. სახალხო ღონისძიების რეპეტიცია გაიმართება 25 მაისს 16-დან 18 საათამდე და მოძრაობა შეიზღუდება 26 მაისის დღის ბოლომდე რუსთაველის გამზირსა და თავისუფლების მოედანზე.
