დღეს ავსტრიის პრეზიდენტი პრემიერ ღარიბაშვილსა და კათოლიკოს-პატრიარქს, ილია მეორეს შეხვდება. მანამდე კი ჰაინც ფიშერს პრეზიდენტმა მარგველაშვილმა უმასპინძლა. სახელმწიფო სადილი ავსტრიის პრეზიდენტისა და მისი მეუღლის პატივსაცემად გაიმართა. ავსტრიის პრეზიდენტმა ავსტრიასა და საქართველოს შორის არსებულ კულტურულ და ეკონომიკურ ურთიერთობებსა და საქართველოს ევროპულ არჩევანზე ისაუბრა. საქართველოს პრეზიდენტმა ავსტრიელ კოლეგას სტუმრობისთვის მადლობა გადაუხადა. თავის მხრივ, ფიშერმა იმედი გამოთქვა, რომ ამ ვიზიტით ქვეყნებს შორის ურთიერთობები კიდევ უფრო გაღრმავდება.
