თავდაცვის მინისტრის თინა ხიდაშელისა და ყოფილი მინისტრის ირაკლი ალასანის შორის გამართულ არაფორმალურ შეხვედრასთან დაკავშირებით, ინფორმაციას ტელეკომპანია ,,რუსთავი 2” ავრცელებს.
შეხვედრასთან დაკავშირებით, გაკეთებულ კომენტარში თინა ხიდაშელი აცხადებს, რომ ალასანია მისი მეგობარია და მას ხშირად შეხვდება.
"ვაპირებ, რომ შევხვდე თავდაცვის მინისტრებს, რაზე ვიმსჯელებთ არ ვაპირებ რომ მოგიყვეთ. ირაკლი ჩემი მეგობარია და მასთან გაცილებით ხშირად მექნება შეხვედრა ვიდრე იმათთან, ვინც არ არიან ჩემი მეგობრები. თავდაცვის მინისტრი შეხვდა ყოფილ თავდაცვის მინისტრს,"-აღნიშნა ხიდაშელმა.
რაც შეეხება თავდაცვის ყოფილ მინისტრს ირაკლი ალასანიას, მისი განმარტებით, ეს იყო ძალიან საჭირო შეხვედრა.
"ყველა საჭირბოროტო საკითხზე ვისაუბრეთ რაც თავდაცვის სამინისტროს ეხება. ასევე ვისაუბრეთ მომავალ გეგმებზე, რომელიც გვქონდა თავდაცვის უწყებაში და დარწმუნებული ვარ, რომ მისი ხელმძღვანელობით ეს ყველაფერი გაგრძელდება ისე, როგორც საჭიროა. მეგობრები ვართ და ეს მეგობრობა გაგრძელდება. ვისაუბრეთ მეგობრულად ყველა თემაზე, იყო ძალიან საჭირო და კარგი შეხვედრა,"- აღნიშნა ალასანიამ.
