ინგა გრიგილიას არაზუსტად მოყვანილმა ციტატამ სახელმწიფო მინისტრი პაატა ზაქარეიშვილი გააბრაზა. უხერხული მომენტი გადაცემა „რეაქციის“პირდაპირ ეთერში დადგა მას შემდეგ, რაც ჟურნალისტმა ვერ შეძლო სიტყვასიტყვით გადმოეცა მინისტრის გამონათქვამი პუტინთან მიმართებაში.
„კეთილი ინებეთ და ზუსტად მოიყვანეთ ციტატა. ეს ჩემი განცხადება არ არის. ჩემი განცხადება იყო: პუტინი ვერ იქნება საქართველოს მტერი. ქართული, მგონი, ჩემზე კარგად გესმით და ძალიან დიდი განსხვავებაა „არ“ და „ვერ“ შორის. ადამიანი ვერ იქნება მტერი, სახელმწიფოს მტერი შეიძლება იყოს მხოლოდ სახელმწიფო. თუ არ გინდათ ტექსტების წაკითხვა, მარტო სათაურებით თქვენ შორს ვერ წახვალთ“, - მიუთითა ზაქარეიშვილმა.
