ჟურნალისტის თამარ ურუშაძის თქმით, რუსული კომპანიები საქართველოში იატაკქვეშ მოქმედებენ. ამის შესახებ მან გადაცემა „რეაქციაში“ განაცხადა. ურუშაძემ ასევე ისაუბრა NDI-ის კვლევაზე, რომლის თანახმად რესპონდენტების 31% -ს მოსწონს ევრაზიულ კავშირში შესვლის იდეა.
„მე იმედს ვიტოვებ, რომ ეს არის არაიმფორმირებულობის ბრალი. შეიძლება, შეკითვხის დროს რაღაც ტერმინების არევა მოხდა რესპონდენტებში. თუმცა, არ შეიძლება არ ვისაუბროთ რუსული ლობის გააქტიურებაზე, რომელსაც ყოველი ფეხის ნაბიჯზე ვხდებით. მაქვს იმფორმაცია, რომ გარკვეული რუსული კომპანიები დარეგისტრირებულია საქართველოში განსხვავებული სახელით და თვით რეკლამას აკეთებენ. ინფორმაციაში მათი საქმიანობის შესახებ მითითებული აქვთ სხვა მონაცემები. ისინი ალბათ იატაკქვეშ მოქმედებენ, იმიტომ რომ არ ასახელებენ თავისი საქმიანობის რეალურ მიზნებს“, - განაცხადა ჟურნალისტმა.
