თბილისის მერის დავით ნარმანიას თქმით, „დედაქალაქში სანიაღვრე სისტემა არის კომპლექსური პრობლემა“ და „შეზღუდული ფინანსების პირობებში 3 წელი მაინც დასჭირდება“ მის მოგვარებას. ამის შესახებ ნარმანიამ გადაცემა „20 30“-ის ეთერში განაცხადა.
„დედაქალაქში სანიაღვრე სისტემა არის კომპლექსური პრობლემა. წლების განმავლობაში ერთიანი მიდგომა ამასთან დაკავშირებით არ არსებობდა. რამდენიმე ათეული მილიონი ლარია საჭირო, რომ ეს პრობლემა მთლიანად, თავიდან ბოლომდე მოგვარდეს. ამიტომ, შეზღუდული ფინანსების პირობებში, 3 წელი მაინც დასჭირდება“, - განაცხადა ნარმანიამ.
