ცენტრალური აფრიკის რესპუბლიკაში ევროკავშირის სამხედრო მრჩეველთა მისიაში (EU Military advisory Mission in Central African Republic-EUMAM RCA) სწრაფი რეაგირების ჯგუფში (Immediate Reaction Team- (IRT) მონაწილეობის მიღების მიზნით, საქართველოს შეიარაღებული ძალების ხუთკაციანი ჯგუფისა და მალის რესპუბლიკაში ევროკავშირის საწვრთნელ მისიაში (EU Training Mission in Mali-EUTM Mali) მონაწილეობის მიღების მიზნით, საქართველოს შეიარაღებული ძალების ერთი სამხედრო მოსამსახურის გაგზავნის შესახებ საქართველოს პრეზიდენტის მიერ თანხმობის მისაღებად პარლამენტში საკანონმდებლო ინიციატივა თავდაცვისა და უშიშროების კომიტეტის სხდომაზე საქართველოს ეროვნული უშიშროების საბჭოს მდივანმა, ირინე იმერლიშვილმა წარადგინა.

ინიციატივა ცენტრალური აფრიკის რესპუბლიკაში ევროკავშირის სამხედრო მრჩეველთა მისიაში, სწრაფი რეაგირების ჯგუფში, საქართველოს შეიარაღებული ძალების ხუთკაციანი ჯგუფისა და მალის რესპუბლიკაში ევროკავშირის საწვრთნელ მისიაში მონაწილეობის მიღების მიზნით, ერთი სამხედრო მოსამსახურის გაგზავნას ითვალისწინებს.

თავდაცვისა და უშიშროების კომიტეტის წევრებმა წარმოდგენილი საკითხის პლენარულ სხდომაზე გატანას მხარი დაუჭირეს.