საგარეო უწყების ხელმძღვანელის თამარ ბერუჩაშვილის განცხადებით, ისეთი სტრატეგიული პარტნიორისგან, როგორიც თურქეთია საქართველოსთვის მნიშვნელოვანია, ასეთი გზავნილების გაკეთება.
,,ძალიან მნიშვნელოვანია, რომ მან ასეთი სერიოზული განცხადება გააკეთა და გამოეხმაურა თურქეთის სამომავლო ხედვას ნატო-ს გაფართოების ფარგლებში. ძალიან მნიშვნელოვანია, რომ თურქეთი, საქართველოს სტრატეგიული პარტნიორი ყველა მიმართულებით, მათ შორის სამხედრო და უსაფრთხოების თანამშრომლობის სფეროში, ასეთ მნიშვნელოვან გზავნილებს გვთავაზობს დღეს. ეს ჩვენ ასევე გვაძლევს საშუალებას გავააქტიუროთ მუშაობა. რასაკვირველია, პროცესი ჯერ მხოლოდ დაიწყო. წინ არის ძალიან სერიოზული სამუშაო ალიანსის ყველა წევრებთან, რომელშიც ჩართული იქნება როგორც საგარეო საქმეთა სამინისტრო, ასევე თავდაცვის სამინისტრო ", - განაცხადა ბერუჩაშვილმა თურქი კოლეგის საპასუხოს.
ნატო-ს მომდევნო სამიტის მიზანს საქართველოს, მაკედონიის, ბოსნიისა და მონტენეგროს ალიანსში გაწევრიანება უნდა წარმოადგენდეს, - ამის შესახებ თურქეთის საგარეო საქმეთა მინისტრმა, მევლუთ ჩავუშოღლუმ ანტალიაში, ნატო-ს საგარეო საქმეთა მინისტრების შეხვედრის დროს განაცხადა.
