საპარლამენტო უმრავლესობის წევრი, დარგობრივი ეკონომიკისა და ეკონომიკური პოლიტიკის კომიტეტის თავმჯდომარე ზურაბ ტყემალაძე, ეკონომიკური ზრდის მაჩვენებლის კლებაში, საგანგაშოს არაფერს ხედავს. მისი თქმით, საქართველოს ეკონომიკა ამ შესაძლო დარტყმას გაუძლებს.
,,2%-მდე კორექტირება იყო დაანონსებული, მაგრამ ბუნებრივია, დაველოდებით მეორე კვარტლის შესრულებას, როგორ იქნება და ამის შემდეგ, რაც საჭირო იქნება, ის გაკეთდება, ნუ ნერვიულობს ნურავინ... შეიძლება, დაარტყას, რა თქმა უნდა, მაგრამ ყველაფერს გაუძლებს ჩვენი ეკონომიკა და ყველაფერი გამოსწორდება”, -
განაცხადა დეპუტატმა EBRD-ის ეკონომიკური ზრდის პროგნოზის შეფასებისას, რომლის მიხედვითაც, საქართველოს ეკონომიკა წელს 2.3%-ით გაიზრდება, რაც საქართველოს ბიუჯეტით დადგენილ 5%-იან ზრდასთან შედარებით ორჯერ ნაკლებია.
