რუსთავში კომპანია „სილქნეტი" კვლავაც აგრძელებს წამახალისებელ აქციას. ამჯერად კომპანიის ფიქსირებული ქსელში ჩართვა რუსთავის აბონენტებს 30 ლარად შეუძლიათ.
აღნიშნული აქცია გასული წლის აპრილში დაიწყო, 120 ლარის ნაცვლად რუსთაველებს საშუალება მიეცათ 60 ლარად დაედგათ ტელეფონი. 2010 წლის აპრილიდან კი კომპანია „სილქნეტის" აბონენტებისთვის ტელეფონის დადგმის ფასი უკვე 30 ლარია.
რუსთავში 2009 წელს სხვადასხვა აქცია განხორციელდა, მათ შორის ინტერნეტის უფასო დადგმა. მიმდინარე წელს კომპანია „სილქნეტი" აბონენტებს კვლავაც შესთავაზებს სიახლეებს.
