ეროვნულ-დემოკრატიული ინსტიტუტის (NDI) მიერ ჩატარებული კვლევის თანახმად, კითხვაზე ,,მოგწონთ, თუ არ მოგწონთ?”-რესპოდენტთა 52%-ს პრეზიდენტი გიორგი მარგველაშვილი მოსწონს, მეორე ადგილს თავდაცვის ყოფილი მინისტრი ირაკლი ალასანია 51%-ით იკავებს, მესამე პოზიციაზეა პარლამენტის თავმჯდომარე დავით უსუფაშვილი_45%-ით, საპარლამენტო უმცირესობის ლიდერი დავით ბაქრაძე გამოკითხულთ 44%-ს მოსწონს, ხოლო პრემიერი ირაკლი ღარიბაშვილი გამოკითხულთა 40%-ს მოსწონს.
გამოკითხვა 2015 წლის 27 მარტიდან–19 აპრილამდე პერიოდში, საქართველოს მასშტაბით 4,360 პირისპირ ინტერვიუს წარმომადგენლობითი შერჩევის საფუძველზე, ქვეყნის მოსახლეობას შორის ჩატარდა.
კვლევაში საშუალო ცდომილების ზღვარი არის +/- 2,3%.
NDI-ის კვლევებს აფინანსებს შვედეთის საერთაშორისო თანამშრომლობის განვითარების სააგენტო (Sida) და ატარებს კავკასიის კვლევითი რესურსების ცენტრი (CRRC).