ნეპალში მიწისძვრა განმეორდა. ძლიერი მიწისქვეშა ბიძგები ნახევარსაათიანი შუალედით ნამჩე-ბაზარის რაიონში დაფიქსირდა. სეისიმოლოგთა ინფორმაციით, მიწისძვრის სიძლიერემ 7,3 მაგნიტუდა შეადგინა. ვრცელდება ინფორმაცია მსხვერპლის შესახებაც. დაღუპულია მინიმუმ, 4 ადამიანი. დამანგრეველი მიწისძვრა ნეპალში 25 აპრილს მოხდა, რასაც 8400-მდე ადამიანი შეეწირა, 17 ათასზე მეტი დაშავდა, მილიონობით კი უსახლკაროდ დარჩა.
