გამნაღმველები ბერლინის ცენტრში 250 კილოგრამიანი ბომბის გაუვნებელყოფას ცდილობენ, რომელიც მიწის ქვეშ 70 წლის წინ მოხვდა.
ამის შესახებ გერმანული გამოცემა ,,Morgen Post”- ი იუწყება.
,,ბერლინის ორანიენბურგის რაიონში ექსპერტები მეორე მსოფლიო ომის დროინდელ 250 კილოგრამიანი ბომბის განაღმვაზე მუშაობენ.” - წერს გაზეთი.
გერმანიის დედაქალის მცხოვრებლები წინასწარ გააფრთხილეს, რომ სამშაბათს ზოგიერთი მიმართულებით ქალაქში ელმავლები არ იმოძრავებენ და შეიძლება საქალაქთაშორისო მატარებლების მოძრაობაც შეჩერდეს, ვინაიდან ბერლინის ვაგზალი მიწაში აღმოჩენილი ბომბის მოქმედების რადიუსიდან ერთ კილომეტრში მდებარეობს.
უსაფრთხოების მიზნით, ახლო მიდამოებში მცხოვრებ დაახლოებით 4 500 ადამიანს სთხოვეს, დილიდანვე დატოვონ საცხოვრებელი ადგილები და დღის 16 საათამდე არ დაბრუნდნენ უკან.
ამერიკული წარმოების საავიაციო ჭურვი, რომლის ასაფეთქებელი ქიმიური მექანიზმი დაუზიანებელია, მიწის ზედაპირიდან 4,5 მეტრ სიღრმეზე, ბერლინში, მდინარე ლენიტზეეს სანაპიროსთან გუშინ აღმოაჩინეს.
შეგახსენებთ, რომ 1990 წლიდან, ბერლინში, ორანიენბურგის რაიონში, აღმოჩენილი და განაღმულია მეორე მსოფლიო ომის დროინდელი 180-მდე ჭურვი. სპეციალისტების ვარაუდიდთ, შესაძლოა მიწის ქვეშ კიდევ 300-მდე აუფეთქებელი მოწყობილობა ინახებოდეს.
მეორე მსოფლიო ომის პერიოდში, სულ ბერლინში, 10 ათასზე მეტი ბომბი ჩამოვარდა.
