პაკისტანში ვეტმფრენის ჩამოგდებაზე პასუხისმგებლობას თალიბანი იღებს. რადიკალური დაჯგუფების ლიდერთა განცხადებით, ვეტმფრენი, რომელშიც უცხოელი დიპლომატები იმყოფებოდნენ, საზენიტო რაკეტით იქნა ჩამოგდებული. მი-17 ტიპის სამხედრო ვეტმფრენმა კატასტროფა დღეს დილით განიცადა, რასაც ფილიპინებისა და ნორვეგიის ელჩები, ასევე, მალაიზიისა და ინდონეზიის ელჩების მეუღლეები ემსხვერპლნენ. დაღუპულთა შორისაა ორი პილოტიც. დაღუპვას გადაურჩა 13 ადამიანი, მათ შორის, ჰოლანდიისა და პოლონეთის ელჩები.
