პარლამენტის თავმჯდომარე დავით უსუფაშვილი იმედა გამოთქვამს, რომ პრეზიდენტი გაითვალისწინებს საქართველოში დაგეგმილ ღინისძიებას და მთავრობის ახალ შემადგენლობასთან დაკავშირებით გადაწყვეტილებას დროულად მიიღებს.
"პრემიერ-მინისტრმა და მთავრობის ადმინისტრაციამ განაცხადეს, რომ რაიმე ცვლილებები მთავრობის შემადგენლობაში არ იგეგმება არც დღეს და არც უახლოეს დღეებში. საქართველოს პარლამენტმა განაცხადა, რომ მზად არის მოუსმინოს მთავრობას, მაგალითად, 7-8 მაისს, იმისთვის, რომ პროცესი 9 მაისამდე დასრულდეს. ახლა სიტყვა პრეზიდენტზეა. იმედი მაქვს, რომ ის ყველაფერს გაითვალისწინებს - გაითვალისწინებს იმასაც, რომ მომავალი კვირიდან საქართველოში მნიშვნელოვანი ღონისძიება იწყება და ამისთვის მთავრობის მზაობაა საჭირო. ასე რომ, ვთვლი, 7-8 მაისს შესაძლებელია საკითხის დასრულება და პარლამენტის მიერ გადაწყვეტილების მიღება", - აღნიშნა დავით უსუფაშვილმა.
პარლამენტში ახალი მთავრობის წარდგენის ვადა პრეზიდენტს 8 მაისს ეწურება. მთავრობის ადმინისტრაცია გიორგი მარგველაშვილს მოუწოდებს წარდგენა შემჭიდროებულ ვადებში განახორციელოს.
