არაბულ კოალიციას იემენში ამბოხებულთა წინააღმდეგ შესაძლოა კასეტური ბომბები გამოეყენებინა. ამის შესახებ "ჰიუმან რაითს ვატჩი" იტობინება. ამერიკული მხარე გავრცელებულ ინფორმაციას ჯერჯერობით არ ადასტურებს და აცხადებს, რომ ადამიანის უფლებათა დაცვის საერთაშორისო ორგანიზაციის განცხადებას საფუძვლიანად შეისწავლის. ხუსიტი ამბოხებულების წინააღმდეგ არაბული ქვეყნების კოალიციამ მასშტაბური სამხედრო ოპერაცია მას შემდეგ დაიწყო, რაც ამბოხებულებმა იემენში სახელმწიფო გადატრიალება მოაწყვეს. კოალიციის ავიაცია ხუსიტთა პოზიციებს ინტენსიურად ბომბავს.