სომხეთის ეროვნული კრების პრეს-სამსახურის ცნობით, კრების სპიკერის გალუსტ სააკიანისა და ოკუპირებული სამხრეთ ოსეთის ე. წ. პარლამენტის თავმჯდომარეს ანატოლი ბიბილოვს შორის შეხვედრა მხოლოდ და მხოლოდ პირადი ხასიათის იყო.
,,გალუსტ სააკიანისა და ანატოლი ბიბილოვის შეხვედრა პირადი ხასიათის იყო და არავითარი ოფიციალური საკითხები არ განიხილებოდა. კერძო პირებს შორის შეხვედრას პოლიტიკურ პოზიციებთან არავითარი კავშირი არა აქვს.” - ასეთი პასუხი გასცა ,,არმენპრესის” შეკითხვას სომხეთის პარლამენტის პრეს-სამსახურის უფროსმა არსენ ბაბაიანმა.
შეგახსენებთ, ოსურ მედიაში გავრცელდა ინფორმაცია იმის შესახებ, რომ სომხეთის პარლამენტის თავმჯდომარემ ოკუპირებული სამხრეთ ოსეთის ე.წ პარლამენტის თავმჯდომარეს უმასპინძლა.
ამ ფატქს საქართველოს საგარეო სამეთა სამინისტროს სპიკერი, დავით კერესელიძე გამოეხმაურა და განაცხადა, რომ თუ აღნიშნული ინფორმაცია დადასტურდა, ქართული მხარის რეაქცია მკაცრი იქნება.
„იმ შემთხვევაში, თუ ეს ინფორმაცია დადასტურდება, ჩვენ ამაზე მოვახდენთ ადეკვატურ და მკაცრ რეაგირებას, იმ საშუალებებით, რაც გაგვაჩნია. რეაგირება აუცილებლად იქნება. ვნახოთ შეესაბამება თუ არა ეს ინფორმაცია სიმართლეს. წინასწარ ნუ ვისაუბრებთ,“ - განაცხადა დავით კერესელიძემ.
