,,თავისუფალი დემოკრატების” წევრის ზურაბ აბაშიძის განცხადებით, თინა ხიდაშელი თუ თავდაცვის მინისტრად დაინიშნება, მასთან ბევრი კითხვა და საკითხი ექნებათ გასარკვევი. როგორც აბაშიძემ ,,ჯი-ეიჩ-ენთან” საუბარში განაცხადა გამოჩნდა, რომ რესპუბლიკელები” კოალიციაში უფრო მჭიდროდ აპირებენ ინტეგრირებას.
,,თინა ხიდაშელთან დიდი ხნის ნაცნობობა მაკავშირებს, ერთად, ვსწავლობდით, შემდეგ გვქონდა პოლიტიკური ურთიერთობა. თინას თავდაცვის მინისტრთად დამტკიცების შემთხვევაში წარმატებას ვუსურვებ. ,,რესპუბლიკელების” არჩევანია, რომ კოალიციაში უფრო მჭიდროდ აპირებენ ინტეგრაციას. თინა ხიდაშელი, როცა დაინიშნება თავდაცვის მინისტრად, მასთან ბევრი კითხვა გვექნება, ძალიან და ბევრი საკითხი იქნება გასარკვევი”, -განაცხადა აბაშიძემ.
რაც შეეხება მინისტრთა კაბინეტის ახალ შემადგენლობას, აბაშიძის განცახდებით, ,,თავისუფალი დემოკრატები” ნდობას არ გამოუცხადებენ.
,,თავისუფალი დემოკრატები” მინისტრთა კაბინეტის ახალ შემადგენლობას მხარს არ დაუჭერს და ნდობას არ გამოუცხადებს.
,,საზოგადოებრივი აზრი, რომ ხელისუფლებას ნდობის მანდატი ამოეწურა, არის ძალიან ნათელი და ცხადი. ქვეყანაში არის სერიოზული პრობლემები, ლარის კურსი ყოველდღიურად ვარდება, მთავრობის ეკონომიური გუნდი არ იცვლება და მთავრობის ამ შემადგენლობის წარდგენა, ეს არის კიდევ ერთი თვალებში ნაცრის შეყრა, საზოგადოების დაცინვა”, _განაცხადა აბაშიძემ.
