,,ნაციონალური მოძრაობა” მთავობრის ახალ შემადგენლობას მხარს არ დაუჭერს. პარტიის წევრი სერგო რატიანი საკითხის კომენტირებისას ,,ჯი-ეიჩ-ენთან” საუბარში აცხადებს, რომ პრემიერმა ირკალი ღარიბაშვილმა მთავრობის ახალი შემადგენლობა, ფაქტობრივად, უცვლელად დატოვა.
რატიანის თქმით, ეს ის მთავრობაა რომელმაც ქვეყანა მძიმე მდგომარეობამდე მიიყვა შესაბამისად საპარლამენტო უმცირესობა ნდობის გამოცხადებას არ აპირებს.
,,ფაქტობრივად, ეს არის იგივე მთავრობა, რომელმაც ქვეყანა მძიმე ეკონომიკურ კრიზისამდე მიიყვანა. თუმცა სურთ გარკვული კოსმეტიკური ცვლილებებით შერყეული იმიჯი ოდნავ გამოისწორონ და რამდენიმე ცვლილება განახორციელეს იმის გამო, რომ საპრლამნეტო უმრავლესობამ მინისტრთა კაბინეტის შემადგენლობას ნდობა გამოუცხადოს. ჩვენ ასეთ მთავრობას მხარს არ დაუჭერთ”, _განაცხადა რატიანმა.
მისი განმარტებით, თუ თავდაცვის მინისტრობის კანდიდატი თინა ხიდაშელი ერთი თვის განმავლობაში არ გამოავლენს ხელისუფლების დანაშაულს საფრანგეთთან ჩაშლილ მემორანდუმთან დაკავშირებით, ამით ,,რესპუბლიკელები” თავს დაისამარებენ.
,,თავდაცვის მინისტრის შეცვლა ადასტურებს იმას რასაც ჩვენ დიდი ხნის განმავლობაში ვამბობდით, რომ ჯანელიძე სამარცხვინო მინისტრი იყო, ახლა სწორედ ამ იმიჯის გამოსწორებას ცდილობენ. ახლა ქალბატონ თინას ექნება თავისი საყდრისი იმ გაგებით, თუ ერთი თვის განმავლობაში საფრანგეთთან გასაფორმებელ მემორანდუმთან დაკავშირებით არ გამოავლინა მთავრობის დანაშაული, ჩვენ ჩავთვლით რომ ,,რესპუბლიკებმა” აირჩიეს ჩაყოლვის გზა და ბოლომდე დაისამარონ თავი და მიყვნენ ივანიშვილს”, _აღნიშნა რატიანმა.
თავდაცვის მინისტრის პოსტს თინათინ ხიდაშელი დაიკავებს, გარემოს დაცვისა და ბუნებრივი რესურსების სამინისტროს გიგლა აგულაშვილი უხელმძღვანელებს, ხოლო სპორტისა და ახალგაზრდობის საქმეთა სამინისტროს– ტარიელ ხეჩიკაშვილი – მინისტრობის კანდიდატები დღეს პრემიერ–მინისტრმა ირაკლი ღარიბაშვილმა წარადგინა.
