იაპონიის პრემიერ-მინისტრი მეორე მსოფლიო ომში საკუთარი ქვეყნის პოზიციისთვის ბოდიშს იხდის. ისტორიული განცხადება სინძო აბემ ამერიკის კონგრესში სტუმრობისას გააკეთა. მან მწუხარება გამოთქვა იმ ნეგატიური როლის გამო, რომელიც იაპონიამ მეორე მსოფლიო ომში შეასრულა და რასაც ათასობით ამერიკელი ჯარისკაცის სიცოცხლე ემსხვერპლა. მანამდე სინძო აბე თეთრი სახლის ლიდერს შეხვდა და ორ ქვეყანას შორის სამხედრო და სავაჭრო თანამშრომლობის საკითხები განიხილა.